CAGAYAN DE ORO CITY – Nadakpan sa hiniusang operasyon sa militar ug kapolisan ang usa sa mga suspetsado nga mi-ambush sa convoy ni Lanao del Sur Gov. Mamintal ‘Bombit’ Adiong Jr samtang nagtagu-tago sa Brgy Bala-i-gay,Lumbayanague,Lanao del Sur.
Kini human isilbi sa mga otoridad ang warrant of arrest gikan sa korte batok kang Ascanie Hadji Salic alyas Santani nga nagsilbi usab nga no.4 most wanted person sa Bangsamoro Region.
Miingon si Lanao del Sur PNP Director Police Col. Robert Daculan nga daan nang nag-atubang sa kasog murder si Salic hinungdang gipaubos sa hiniusang operasyon sa mga otoridad sa maong lugar.
Hisayrang sa pagka-ambush ni Adiong,samaran kini ug upat sa iyang security escorts nga gilakipan sa tulo ka paryenteng pulis ang patay sa hitabo niadtong Pebrero 17.
