CAGAYAN DE ORO CITY – Mismo na si Pangulong Ferdinand Marcos Jr ang naglugwa’g mando nga mahatagan na sa hingpit nga rehabilitasyon aron makabalik- normal na ang kinabuhi sa Maranao-Muslims sa Marawi City,Lanao del Sur.
Kini ang rason nga gimugna sa presidente ang Presidential Adviser for Marawi Rehabilitation nga kasamtangang gipanguluhan ni Nasser Pangandaman Sr aron mahuman na ang mag-pito ka tuig na nga trabaho sa gobierno alang sa mga bakwit.
Gibutyag ni Lanao del Sur 1st District Cong.Zia Adiong nga wala moangay ang national govt sa kahinay sa Marawi rehab efforts rason gimando ang pagpadali’g human niini.
Saysay sa kongresista nga mando usab kini House Speaker Martin Romualdez rason nga mihimo sila’g ocular inspection ug public hearing sa kasamtangang kahimtang sa Marawi.
Una nang gihangyo ni Adiong nga mahatagan sa prayoridad ang tukmang koneksyon sa tubig,koryente ug plastada nga housing units ayha pabalikon ang IDPs alang sa full intergration sa main battle area.
Mihagba ang Marawi City kaniadto kay gilusob sa Maute-ISIS terror group hinungdang giatbangan sa state forces aron naabtan sa lima ka bulan ang engkwuentro ayha nabalik ang kahusay’g kalinaw.
