CAGAYAN DE ORO CITY, Philippines – Pirmado na ni Presidente Ferdinand Marcos, Jr ang Republic Act 12010 o mas naila isip Anti-Financial Account Scamming Act (AFASA).
Gihimo ang seremonya sa Malacañang Palace, kagahapon.
Tumong sa balaod ang panalipdan ang publiko gikan sa mga cybercriminals ug criminal syndicates.
Mas bug-at nga silot ang atubangon sa mga tawong malambigit sa financial scam ug ubang pang financial cybercrimes.
Segun sa balaod, ang financial cybercrimes gilangkuban sa ilegal nga transaksyon nga nakalatid sa Revised Penal Code sama sa online selling, investment scams, phishing ug uban pang laraw sa pagpanglimbong.