CAGAYAN DE ORO CITY – Giatubang sa suspek nga nagpalusot sa balor 5.7 milyones pesos nga inismagol nga sigarilyo ang kasong pagsupak sa Customs Modernization Act sa piskalya.
Kini human nadakpan sa hiniusang operasyon sa mga pulis ang nag-inusarang suspek nga si alyas Boy nga nagpalusot sa maong kontrabando.
Miingon si Col. Robert Daculan, provincial director sa Lanao del Sur Police Office nga unang naharang ang sakyanang pribado sa suspek sa Brgy East Basak,Marawi City, Lanao del Sur hinungdang nadiskobre ang sakay nga kontrabando.
Nasuta nga naa sa balor 5.7 milyones pesos ang kantidad sa mga sigarilyo nga nabawi gikan sa dinakpan.
Gitugyan usab sa Bureau of Customs ang nakompiskar nga mga palusot nga sigarilyo.
