CAGAYAN DE ORO CITY – Nahipos sa magkalahing operasyon sa kapolisan ang 509 ka personalidad nga nag-atubang sa nagkadaiyang kasupakan sa balaod ubos sa operational control sa Police Regional Office 10 sa Northern Mindanao sulod sa Enero ning tuiga.
Gitaho ni PRO 10 Director Brig Gen Jaysen de Guzman nga sa maong anti-criminality campaign,anaa sa 281 ka suspek ang giingong nalambigit sa pagbaligya ug naghupot sa iligal nga droga nga dunay timbang nga 4,353.328 gramos sa shabu ug nagkostar sa halos P30 milyones pesos.
Siya miingon nga gawas sa suspected drug pushers, nakahimo usab sa pag-aresto ang lower units sa PRO 10 sa 46 ka tawo nga nalambigit sa gidiling mga pasugal diin nabawian sa 23-mil pesos.
Nasignit usab ang 178 ka wanted persons diin 40 kanila ang naghupot sa mas bug-at nga mga kaso.
Nakadakop usab sila sda 14 ka personalidad sa illegal possession of firearms violations diin narekober ang 34 ka mugbong mga armas ug uban pa.
Gitahan usab sa pipila ka gun holders ang 18 ka armas nunot sa Bilang Boga operation kay nangahupas na ang mga papeles niini.
