CAGAYAN DE ORO CITY – Emosyonal nga mihangyo ang mga solido nga mga alyado ni kanhi Pres Rodrigo Duterte sa syudad nga dili mohunong sa mga aksyon nga mag-resulta sa pagbuhi kaniya gikan sa kustodiya sa International Criminal Court sa The Hague,Netherlands.
Gihimo ni Konsehal Girlie Balaba ang apelar nunot sa ilang pagduyog sa mas dakong aksyon aron kondinaron ang liderato ni Pres Bongbong Marcos nga maoy mitugyan kang Duterte sa ICC gamit ang gipatoong aksyon sa International Police sa miaging semana.
Miingon si Balaba nga unta nasabtan sa katawhan tinu-uray nga motibo sa administrasyon kung giunsa paglutos si Duterte kinsa pabiling lig-ong puwersa sa umaabot nga mga piliay sa nasud.
Sa maong katiguman,nakahilak si Balaba dihang gipabati ang tingog ni Duterte pinaagi sa video message.
Hisayrang gawas sa syudad,mihimo usab sa katiguman ang supporters ni Duterte sa Bukidnon,Iligan City,Misamis Occidental ug Lanao del Norte sa miaging Sabado sa gabii.
