CAGAYAN DE ORO CITY – Dili na pasudlon sa regular management sa Cagayan de Oro Water District o COWD si interim General Manager Fermin Jarales.
Kini maoy gilugwa nga mando ni acting COWD General Manager Engr Edna Najeal dihang nahuptan nila ang paborabli nga hukom sa korte sa prohibition case batok sa pag-takeover sa Local Water Utilities Administration o LWUA sa ilang buhatan.
Miingon si Najeal nga may mando na kini sa sekyu sa COWD ug mismo sa mga empleyado nga wala na’y pasudlon nga dili nila kauban sa trabaho.
Kini tungod kay gimanduan sa korte ang LWUA nga likayan na ang pagpanginlabot sa mga kalihukan sulod sa COWD.
Unang giila nga illegal ang pagsulod sa LWUA sa COWD.
Apan sa unang mga pahayag sa Office of the Govertnment Corporate Counsel,legal ug adunay basehan ang LWUA sa ilang pagdumala sa COWD gamit ang interim officials.
Hisayrang gitahod sa kampo ni Jarales ang hukom sa korte apan sila gitakdang modason sa ilang motion for reconsideration sa Court of Appeals o CA-Mindanao.
