CAGAYAN DE ORO CITY – Naka-kustodiya na sa kapolisan ang lalaki nga gitudlong suspek sa giingong paglugos ug pagpatay sa usa ka 17 anyos nga babaye diin gilubong lapok sa tangkungan sa Mambato,Agora,Brgy Lapasan ning syudad.
Kini human ang pipila ka oras nga panawagan sa inahan nga si Recinette Pactol nga motahan na ang suspek nga si Sanny Boy Ratunil alyas Boy Tangkong,62 anyos aron atubangon ang gihimong kremin ngadto sa biktima nga si Diana Jane.
Unang miani sa grabeng emosyon ang nahitabo kang Jane kay sobra ka looy ang kahimtang niini dihang nahaw-as ilawom sa lapok nga wala na’y kinabuhi ug nagkadugo pa ang liog nga bahin kay gitoohan nga gitigbas sa suspek.
Dumduman usab nga mismo ang pamilya sa suspek ang nasuko kaniya ug nanganti nga andam ipadakop kini kung tinud-anay nga maoy mihimo sa kremin.
Hisayrang magpila ka bulan nang nanimpalad ning syudad si Jane gikan sa Lanao del Norte kay pananghid niini nga mangita’g trabaho aron makatabang sa ilang pamilya sa lungsod sa Sultan Naga Dimaporo.
