CAGAYAN DE ORO CITY -Dili bintaha apan nagpasamot sa kahuyang sa CPP-NPA ang pagtunga sa social media hinungdang migamay pa ang ihap sa mga nabiling mga sakop na lang niini sa kabukiran nga nakig-kontra sa kagamhanan.
Kini ang katin-awan ni Police Regional Office 10 Director Brig Gen Jaysen De Guzman kung kusog pa ba ang NPA recruitment ngadto sa kabatan-unan ilabina sa nagkadaiyang mga unibersidad ug state colleges sa nasud.
Miingon si De Guzman nga gumikan sa sobrang exposure sa kabatan-unan sa social media,nagka-ubos ang interes nila nga mo-entertain sa pagpanghaylo sa NPA recruiters nga nakasulod sa mga tunghaan.
Una nang mitunga’g balik sa social media ang mubo nga CPP-NPA video clipping nga direktang nangdani sa kabatan-unan aron mosulod sa armadong kalihukan.
