CAGAYAN DE ORO CITY – Gitugbangan sa laing komdemnasyon sa buhatan ni Camiguin Gov. Xavier Jesus Romualdo ang nahitabong pagkasunog sa media van ni kanhi Cagayan de Oro Press Club o COPC President Dr. Manny Jaudian sa lungsod sa Sagay kaganihang kadlawon.
Matud sa gobernador nga ang maong hitabo,pagsulay nga lawgawon ang kahusay’ng kalinaw sa nagkaduol nga piliay sa probinsya.
Nahingawa si Romualdo nga ang nahitabo kang Jaudian usa ka hiniusang lakang aron ihulagway ang Camiguin nga dili luwas ang seguridad.
Namugos kini nga pabiling malinawon ang probinsya ug nanganti pagtaral batok sa mga tawong nangahas pagguba sa kadungganan sa lalawigan.
Gipasalig usab niini nga gisugdan na sa kapolisan ang imbestigasyon aron sumpu-on ang posibleng grupo nga nagsabwag kagubot.
Gi-apelar usab sa opisyal nga likayan ang maong klase sa taktika nga makaguba sa imahen sa probisnya ug sa estado sa ekonomiya niini.
Hisayrang una nang gikondinar sa COPC officials ang pagpangsunog ug midangop sa Police Regional Office 10 ingon man sa Malakanyang aron mapaspasan ang imbestigasyon aron masilotan ang mga tawong mihimo niini.
