CAGAYAN DE ORO CITY – Gilayong mi-apelar sa kahiusahan si incoming Misamis Oriental Gov. Juliette Uy ngadto sa tanang local govt unit officials sa lalawigan.
Kini ang iyang mensahe dihang opisyal nang gi-proklama ni Commission on Elections-Misamis Oriental Provincial Election Supervisor Atty. Carlito Ravelo sa nahuman nga hagpatay sa mga balota sa probinsya ning adlawa.
Miingon si Uy nga angayang isalikway na ang pagkabahin-bahin sa local govt officials kay daghan ang mga suliran nga gisagubang sa lalawigan nga prioridad mahatagan sa kasulbaran.
Siya miingon nga nasubo kini nga naglaraw sa pagduso’g election protest ang kampo ni incumbent Misamis Oriental Gov. Peter Unabia batok sa iyang kadaugan apan gitahod usab niya kini.
Namahayag ang gobernadora nga kung ihinayo ni Unabia ang pagkontra-protesta,mapugos usab kini sa paghandos sa tukmang mga lakang legal may kalabutan sa milabay’ng piliay.
Hisayrang gipukan ni Uy ang subli pagpapili ni Unabia pagka-gobernador sa lalawigan pinaagi sa nakuha nga boto nga 327-mil 305 botos batok sa 235-mil 023.
