CAGAYAN DE ORO CITY – Nahingawa ang National Citizen’s Movement for Free Elections o NAMFREL sa grabeng pag-ubos sa mga botante nga wala mobotar sa Misamis Oriental sa miaging May 12 elections.Kini human itaho ni NAMFREL -Misamis Oriental CdeO chapter coordinator Nestor Banuag Jr nga anaa sa 49 porsiento ang pagkanaug sa mga botante nga wala nangbotar.
Kini mas ubos sa 86.8 percent nga ihap sa mga botante nga mibotar sa lalawigan sa miaging May 2022.
Miingon si Banuag nga daghan usab ang matudlo nga wala nangbotar ang mga botante sa mga kandidato sa mga probinsya.
Kini gilakipan sa gibating kakapoy sa pagbotar,wala pangganahi sa mga kandidato, pagkabalhin sa pinuy-anan sa layo nga lugar ug uba pa.
Siya miingon nga angayang mobati’g kaalarma niini ang kagamhanan ug mohimo’g mga lakang aron dili masayang ang mga katungod sa mga botante nga wala nila magamit.
Hinoon,pabiling taas ang voting percentage sa Cagayan de Oro kompara sa lalawigan.
Kini mitala sa 72 percent ning tuiga, laing 71% sa 2022 ingon man 78.5 porsiento sa milabay’ng 2019 itandi sa 51 sa Misamis Oriental.
Hisayrang sa wala pa ang paglusad sa piliay,grabe ang gihimong voters education sa mga taga- Comelec nga nang-abot abot na sila sa mga kabaryuhan aron lang mapahibalo sa katawhan ang bili sa kalihukan.
