CAGAYAN DE ORO CITY – Nasubo ang Police Regional Office 10 sa gidangatang-kamatayon sa ilang sakop nga pulis epekto sa dugu-ong disgrasya sa riverside,Brgy Lunao,Gingoog City,Misamis Oriental.
Kini human nag-resulta sa grabeng bun-og sa kalawasan sa biktima nga si Police Staff Sgt Bryan Cainoy nga sakop sa 1st Provincial Mobile Force Company sa Misamis Oriental PNP ang panagbangga sa pribadong awto ug gimaneho niya nga motorsiklo sa maong lugar.
Namahayag si Police Regional Office 10 spokesperson Major Joann Navarro nga gihimuan pa sa dugang imbestigasyon ang hitabo sanglit mahimong basehan sa pagduso’g kaso kung walay makab-ot nga panaghusay ang pamilya sa biktima ug tag-iya sa pribadong sakyanan.
Subay sa nalabay nga impormasyon sa Gingoog City Police Station nga padulong na mouli ang biktima dihang disgrasyang nagkabangga ang ka-alkontra niya’g direksyon nga sakyanan hinungdan sa grabeng epekto niini.
Gidala pa ospital dinhi sa Cagayan de Oro City apan wala na masalbar ang kahimtang niini.
Detinado ug hayan kasuhan ang Toyota Innova driver sa criminal tungod sa gidangatan ni Cainoy.
