Wala tanduga ni Pres Bongbong Marcos sa iyang katungdanan si Executive Secretary Lucas Bersamin.
Kini taliwala nga kabahin siya sa 52 ka cabinet secretaries nga nagduso sa courtesy resignation subay sa mando ni Marcos kagahapong adlawa.
Miingon si Bersamin nga sa 52 ka cabinet secretaries,ubay-ubay kanila ang nagpabilin gihapon sa katungdanan samtang ang uban nabalhin ug adunay nagsaka usab ang obligasyon.
Siya miingon nga si Energy Secretary Raphael Lotilla magsibli nang kalihim sa Department of Environment and Natural Resources o DENR diin iyang gipulihan si Maria Antonio Yulo Loyzaga.
Mohulip sa ibakante nga katungdanan ni Lotilla ang iyang undersecretary nga si Sharon Garin.
Si Department of Human Settlements and Urban Development Secretary Jose Acuzar gibalhin usab ni Marcos sa pagsilbing Presidential Adviser for Pasig River Development.
Magsilbi na nga kalihim sa Dept of Foreign Affairs si Tess Lazaro ug Permanent Representative to United Nations na ang iyang gipulihan nga si Secretary Enrique Manalo.
Sa pikas bahin,apil sa wala tanduga sa katungdanan sila Trade Secretary Cristina Roque; Finance Secretary Ralph Recto; Economy, Planning, and Development Secretary Arsenio Balisacan; Budget Secretary Amenah Pangandaman ug Special Assistant to the President for Investment and Economic Affairs Frederick Go.
Gilauman ang dugang kalambuan sa kamanduan ni Marcos sunod semana.
