CAGAYAN DE ORO CITY – Magpakitang gilas atubangan sa basketball fans ang mga magdudula gikan sa San Miguel Beermen o SMB ug Rain or Shine Elasto Painters ning syudad.
Kini human sila imbitara sa mag-amahang City Mayor Rolando ‘Klarex’ Uy ug Carmen Punong Brgy Rainer Joaquin ‘Kikang’ Uy ang duha ka PBA teams aron modula sa Aquilino Pimentel International Convention Center sa Taguanao,Brgy Indahag sa syudad ugma sa gabii.
Nahidangat na ang duha ka teams ug gikahimamat na usab nila ang mag-amahang Klarex ug Kikang kaganihang buntag.
Namahayag ang mayor nga giingong libre ang mga tiket sa maong padula.
Dumduman nga una nang namahayag si City administrator Atty. Roy Raagas nga ang panagdula sa duha ka PBA teams ang kabahin sa kasaulugan sa ika-75 nga pagka-karta sa Cagayan de Oro sa Hunyo 15 ning tuiga.
