CAGAYAN DE ORO CITY – Gipangayo sa pamilyang Dipus ang dinaliang hustisya sa gidangatan sa magtiayon diin gipusil-patay sa wala ilhi nga mga suspek sa Purok 8,Brgy Kulasihan,Lantapan, Bukidnon.
Kini ang saysay ni Brandon Dipus kinsa naglisod pagdawat sa nahitabo sa iyang amahan ingon man ina-ina nga walay kalooy nga gipangpusil sa riding in tandem suspects sa maong lugar.
Siya miingon nga unta dili ihunong sa mga otoridad ang pag-imbestigar aron madakpan ang mga mihimo sa kremin.
Dugang ni Dipus nga ulahi niya gikakuyog ang iyang ginikanan dihang nag-graduwar ang ilang igsoon.
Gihanduraw usab niini ang kakugihan ug sakripisyo sa ilang amahan nga naningkamot aron sila molampos sa mga pagtungha sa kolehiyo.
Hinoon,may nahuptan na ang kapolisan mga anggulo nga hayan hinungdan sa kamatayon sa mga biktima.
Hisayrang pauli na ang mga biktima sakay sa motorsiklo ang mga biktima dihang kalit sila gipangpusil sa mga suspek nga paspas usab misibat palayo sa lugar sa miaging adlaw.(With reports with Bombo Radyo Malaybalay).
