CAGAYAN DE ORO CITY – Gipabati na ni Gusa Brgy Kapitan Marlo Tabac ang iyang politikanhong suporta ngadto sa Padayon Pilipino Party pinanguluhan sa mga Emano ning syudad.
Kini human gidawat niya nga siya ang mopahurar kang 2nd District City Councilor Yvy Emano alang sa ikaduha niining termino isip konsehala sa syudad kaganihang buntag.
Miingon si Tabac nga dugay’ng panahon nga wala kini mokuyog sa bando sa Emano kay gibarugan niini ang PDP-Laban ug kanunay’ng suportahan ang mga kandidato nga maoy ituboy sa matag-piliay sa sa dakbayan.
Kini ang rason nga talagsaon nga kahigayunan nga ihatag na usab niya ang iyang suporta sa mga Emano diin kabahin niini ang pagpahurar kang Yvy mismo sa flag raising sa Brgy Gusa sa syudad.
Dugtong niini,gipasalig ni Tabac atubangan sa magsoong Misamis Oriental 2nd District Cong. Bambi Emano,Tagoloan Mayor Atty Nadya Emano-Elipe sa ilang inahan nga si Aloma Emano ug political supporters nga suportahan ang mga kalihukang politikanhon sa partido.
Pagdumdom pa niini, nahimo kining lig-ong supporter kaniadto sa liderato ni late City Mayor Pablo Magtajas, late Cong. Erasmo Damasing Jr, former City Vice Mayor Antonio Soriano,kanhi City Mayor Oscar Moreno ug incumbent City Mayor Klarex Uy apan wala sukad sa mga Emano.
Kini ang bug-at nga rason nga higayon na usab nga ihatag niya ang suporta ngadto sa bando ilabina sa sunod nga mga plano ni Bambi kung mag-mayor kini sa syudad o mobalik pagka-gobernador sa Misamis Oriental.
Hisayrang ang pag-abin ni Tabac ug sa Padayon Pilipino ang epekto sa pagpapha kaniya isip bise-presidentee sa Association of the Brgy Councils o ABC diin 64 ka kapitanes ang kalit mipapha kaniya gamit ang katurangan nga ‘loss of trust and confidence’.
