CAGAYAN DE ORO CITY – Gihimakak ni Gusa Punong Bry Marlo Tabac ang pasangil gikan sa pipila sa iyang mga kaubang kapitanes sulod sa Liga ng mga Brgy nga midawat kini sa uno-milyon pesos nga salapi gikan kang re-elected 2nd District City Councilor Yvy Emano ning syudad.
Kini human unang gipalutaw nga angay siya tangtangon pagka-bise presidente sa liga kay nagsilbi unta nga campaign manager sa bando ni City Mayor Klarex Uy apan sekreto midawat sa salapi gikan sa ilang mga kaatbang.
Namahayag si Tabac nga bisan kulero, wala kini nadawatan gikan sa batan-ong Emano sukwahi sa gipatoo sa mga kauban niya sa kahugpungan.
Gibulgar hinoon niini, nga may nadawatan siya nga sobra milyon pesos nga salapi gikan sa pipila ka konsehales nga nagpatabang kaniya aron mapaabot ngadto sa mga botante sa distrito dos sa miaging Mayo 12 nga piliay.
Nanganti si Tabac nga hinganlan ra niya ang mga tawo nga nangakusar kaniya sa mga binuhatan nga wala niya sukad gikalambigitan.
Dumduman nga gibatbat kini sa opisyal atubangan sa prensa pipila ka oras gikan sa paghurar ni Yvy sa iyang ikaduhang termino isip numero uno nga konsehal sa distrito dos sa flag raising ceremony sa brgy covered sa Gusa ning syudad kaganihang buntag.
Hisayrang gipapha sa 64 ka brgy kapitan pinaagi sa gidason nga resolution sa liga si Tabac gamit ang isyu sa ‘loss of trust and confidence’ isip bise-presidente.
