CAGAYAN DE ORO CITY – Gipahugtan pa’g samot sa city govt ang health safety protocols o ang kaigmat sa proteksyon alang sa panglawas sa katawhan sa dakbayan.
Kini human kompirmaha sa DoH 10 Regional Epidemiology and Disater Response Unit nga nakatala na sa pinakaunang kaso MPOX infection ang Northern Mindanao pinaagi sa usa ka lalaki nga residente sa Ozamiz City,Misamis Occidental.
Namahayag si Dra. Rachel Dillia,head sa City Health Office- Cagayan de Oro nga angay lang sundon sa public ang minimum health standards nga unang gibuhat sa katawhan sa panahon nga naigo sa COVID-19 ang dakbayan.
Siya miingon nga angay lang i-mintinar sa matag-indibidwal ang kanunay’ng kalig-on sa panglawas,likayan ang ‘intimate physical contact’ ug gilayong mo-report sa health centers o CHO kung nabantayan ang mga sintomas sa maong sakit.
Kabahin sa mga ilhanan nga naghambin na sa MPOX ang usa ka tawo,kini magbaton sa painful rash,hilanat,labad sa ulo,pagpanakit sa mga braso ug likod ug pagpangluya sa lawas.
Dumduman nga gi-obligar lang sa CHO pagpasul-ob sa facemask ang iyang mga empleyado samtang sa Misamis Oriental,nagpatuman usab sa istrikto nga DoH guidelines kabahin sa pakigbatok sa bahad sa maong sakit.
