CAGAYAN DE ORO CITY – Gigarantiya ni incoming Misamis Oriental Governor Juliette Uy nga walay itanom niya nga pagdumot ngadto sa mga nahimo niya nga kaatbang sa politika sa milabay’ng May 12 elections.
Kini maoy gipalanog sa gobernadora sa iyang gihimong panaad atubangan sa katawhan nga nagpaluyo kaniya ug sa mga kauban niini sa lungsod sa Villanueva ning lalawigan sa miaging semana.
Gibutyag ni Uy nga likayan niya nga mobati sa dili maayong pagtagad sa mga gikaatbang sa piliay kay likayan niya nga mapangit.
Gusto sa gobernadora nga kanunay’ng guwapa alayon sa pagpangalagad sa katawhan sa lalawigan.
Una niini,gusto niya wad-on ang palakasan system sulod sa kapitolyo ug ipatuman ang mga lakang aron batukan ang mga isyu sa kurapsyon.
