CAGAYAN DE ORO CITY – Nagka-ginaksanay pa ang duha ka magsoong menor de edad nga nakit-ang wala na’y kinabuhi sulod sa gamay’ng balay nga mugna sa mga kahoy sa Brgy Lower Rubia, Sinacaban,Misamis Occidental ning adlawa.
Kini human naukay ang katawhan sa baryo nunot sa paghinobrang paghilak sa inahan nga si Jenny nga naabtan niining patay na ang duha ka bata nga iyang gibilin sulod sa ilang balay.
Subay sa kuha nga video footage ni Chai-Choi Azada nga nag-aso pa ang sulod sa balay diin anaa ang patay’ng lawas sa mga biktima.
Gani,madungog usab sa video nga mikulob ang usa sa mga biktima nga hayan tuyo sampungan gikan sa grabeng kainit sa kalayo ang usa kanila sa pamasin adunay makaluwas sa ilang nag-ungaw nga kinabuhi.
Kini ang hinungdan nga grabe ang pagbangutan sa inahan dihang pulos na walay kinabuhi ang mga anak niini.
Subay usab sa inisyal nga impormasyon, naka-kandado ang pultahan sa balay samtang anaa sulod niini ang mga bata kay milakaw makadyot ang inahan.
Gitoohan usab nga adunay wala mapalong nga kalayo sa kusina o abuhan nga hayan rason sa tinubdan sa kalayo.
