CAGAYAN DE ORO CITY – Hinagbu-on sa transition team ni incoming Misamis Oriental Gov.Juliette Uy ang pipila sa mga ulo sa departamento sa kapitolyo-probinsyal ning adlawa.
Kini sa tuyo nga mas maplastar pa ang mga batakang serbisyo sa pipila ka buhatan sa kapitolyo nga dili mahimong mahunong kay maka-apektar sa katawhan sa lalawigan.
Gihimo ni Celso Abucejo kinsa tigpamaba sa transition team ni Uy ang hukom kay adunay mga impormasyon nga gilitok ang department heads ni outgoing Gov. Peter Unabia nga dili pa klaro ngadto kanila.
Hisayrang hingpit nang gitugyan ni Unabia ang mga papeles kabahin sa kasamtangang kahimtang sa kapitolyo nga naglakip sa nabiling pondo nga magamit sa pagtunol-serbisyo sa katawhan sa probinsya.
