Mulusad pa sa dugang cleaning operation ang City Economic Enterprises and Business Development Administration o CEEBDA aron mamintinar ang kalimpyo ug kahindik sa palibot sa mga merkado ning syudad, partikular na sulod sa Cogon Public Market.
Namahayag si CEBDA Acting Department Manager Atty. Marranne Ragas nga daku ang epekto sa limpyo ug kahugaw sa palibot kung hisgutan ang pagsalig sa katawhan sa mga produktong ipamaligya ug gustong paliton sulod sa pasilidad sa merkado.
Gumikan sa lapad nga operasyon, daghang negosyo ang nabalda sulod sa COGON, apan, iyang gihinaut ang mga konsumedor nga sabton ang ilang lakang kay alang kini sa kaayuhan sa tanan.
Hisayran nga sa miaging semana, mitabang ang Department of Health pinaagi sa City Health Office (CHO) sa paglusad sa fumigation o proseso sa pagpa-aso aron mamatay ang tanan peste sama sa ok-ok, lamok, langaw, ilaga ug uban pa nga puyo na sulod sa mga merkado ning syudad.
Dugtong niini, nagpadumdum si Ragas sa mga mamerkado nga magdala sa kaugalingong eco bag o bulsita aron dili mahimong hinungdan sa pagdapun-og sa basura ang mga gisi nga mga papel, plastic bottles o paper bag nga ipanglabay lang bisan asa.
(Report by Jane Abulag)