CAGAYAN DE ORO CITY – Gihinaut sa Police Regional Office 10 ang mga magbabalaod nga adunay pag-amendar sa Customs Modernization and Tariff Act o ilado usab nga Republic Act No. 10863.
Kini aron mapalig-on pa ang kampanya batok paggukod sa smuggling activities sama sa mga pagpalusot sa mga sigarilyo sa nagkadaiyang bahin sa rehiyon.
Gihimo ni PRO 10 spokesperson Major Joann Navarro ang apelar kay daghang higayon nga mabuhian ang mga dinakpan sa ilang lower units kay dili ang PNP ang haom nga mokaso apan ang Bureau of Customs ngadto sa piskalya.
Siya miingon nga aron dili mausik ang kahago sa ilang mga kahago,mas maayo nga mahataga’g gahom ang mga pulis nga mangunay pagkaso sa mga dinakpan.
Hisayrang sukad gitahasan ang PNP motabang sa Customs batok smuggling activities dinhi sa rehiyon,sobra 50 milyones pesos na sa mga sigarilyo ang na-embargo sulod ning tuiga lamang.
