Taas ang risgo nga makakuha sa seryosong sakit sama sa high blood, diabetes, cancer, ug uban pang non-communicable diseases ang usa ka tawo kung sobra ang timbang.
Mao kini ang pahayag ni Patrick John D. Gonzales, Registered Nutritionist-Dietitian (RND) ug Nutrition Officer II sa National Nutrition Council (NNC) Region X.
Namahayag si Gonzales nga ang sobrang timbang makadaot dili lamang sa panglawas, apan, lakip na sa kalidad sa kinabuhi. Usa sa mga hinungdan niini ang sobra-sobrang pag-inom sa matam-is.
Siya miingon nga ang sayop nga pagtuo kabahin sa diet mahimong magresulta sa pagsaka sa timbang.
Aron masiguro nga healthy ang panglawas ug luwas sa sayop nga tuo-tuo sa pagpaniwang, gikinahanglan mokonsulta ang indibidwal sa mga eksperto sama kanila, nga mga nurtritionist dietician.
Aron mahimong luwas ang timbang kinahanglan sundon ang plate patterns sama sa 1/3 sa alang sa kan-on, 1/2 sa plato ang alang sa pagkaong go, grow, ug glow; 1/3 para sa mga gulay, 1/6 alang sa prutas, ug 1/6 lamang alang sa putaheng karne
