Daghang netizens ang nalingaw sa nakangisi nga nawong ni Palace Press Officer Atty Claire Castro kalabot sa latest video post sa official facebook page sa Presidential Communications Office (PCO).
Unod sa video ang paghulagway, ug pagrecap ni Castro sa tolo ka adlaw nga pagbisita ni Presidente Ferdinand Marcos Jr, kauban iyang kapikas nga si First Lady Lisa (FLAM), ug miyembro sa gabinete.
Kauban usab sa biyahe si Castro.
Sa miaging gabie, samtang gi abi-abi sa presidente ang nga Overseas Filipino Workers (OFWs) sa India, nag ala concert queen si Castro kay siya misayaw ug mikanta atubangan kanila.
