Nagpahimangno ang usa ka legal expert sa epekto sa sayop nga paggamit sa social media hinungdan nga daghang mga netizens ang pwede kasuhan sa cyber libel.
Gibutyag ni Atty. Aleczandra Castillo sa Bombo Radyo nga naabusuhan na sa pipila ang social media, ilabe na ang mga vlogger kay kasagaran kanila manlibak, mupanamastamas, samtang ang uban magpost sa mga pandaut pinaagi sa pagkomento ug pagpakatag sa disimpormasyon gamit ang messenger o group chat.
Gitin-aw ni Castillo nga adunay limitasyon nag freedom of speech ilabe nga kasagaran kini maoy idepensa ug hinagiban sa mga political vloggers.
Miingon ang abogado nga mahimong kasuhan sa Cybercrime Prevention Act of 2012 (RA 10175) ang mapamatud-ang sad-ang sa intensyonal ug malisyoso nga pagdaut sa usa ka tawo o organisasyon.
