Wala pay nadawat nga Extradition Request gikan sa Amerika ang Department of Justice (DOJ).
Namahayag si DOJ Assistant Secretary Mico Clavano ng wala silay nahuptan nga sulat o berbal nga panawagan nga mihangyo ang gobyerno sa Estados Unidos nga ma-extradite si Pastor Apollo Quiboloy, tungod sa iyang gi-atubang nga kaso sa ilang nasud.
“The SOJ coordinated with SFA and was informed that DFA has yet to receive the request,”matod ni DOJ Spokesperson Mico Clavano.
(Nagkoordinar ang SOJ sa SFA ug gipahibalo nga wala pa nadawat sa DFA ang request)
Kagahapon, nakigkoordinar si Justice Secretary Jesus Crispin Remulla sa Department of Foreign Affairs (DFA) pinaagi kang Secretary Ma. Theresa Lazaro, apan wala pa daw sila’y nadawat nga hangyo.
“DFA is supposed to receive such requests first before transmitting it to the DOJ,’dugang pa ni ASec. Clavano.
(Ang DFA maoy unang modawat sa ingon nga mga hangyo sa extradition ug sila ang magpadala niini ngadto sa DOJ)
