Malaumon ni Senador Juan “Migz” Zubiri nga aduna pay ikaduhang bahin sa report ni Senador Ping Lacson kalabot sa anomaliya sa mga flood control projects sa Pilipinas.
Sa iyang privilege speech, gibutyag ni Lacson ang sistematikong kurapsyon nga naglangkob sa “pie-sharing” scheme sa pondo, diin ang mga opisyal sa DPWH, mga kontratista, ug ubang ahensya sama sa COA ug Bids and Awards Committee adunay tagsa-tagsa nga porsyento sa budget nga gikuhaan.
Giila usab niya ang Bulacan isip “pinaka-notoryus” nga lugar sa mga ghost projects, diin bilyon-bilyong pondo ang gigahin matag tuig apan padayon gihapon ang pagbaha.
Gisuportahan ni Zubiri ang nasampit nga report ug naglaum nga ipadayon kini aron mas mapalawom pa ang imbestigasyon ug mapugngan ang pag-abuso sa pondo sa mga imprastruktura.
