Aktibong gi monitor Office of Civil Defense (OCD) Region X, pinangulohan ni Director Antonio B. Sugarol, ang epekto sa Tropical Storm Isang, nga nigawas sa Philippine Area of Responsibility (PAR) kagahapon.
Hugot usab nga gibantayan sa OCD ang Low Pressure Area (LPA) sa Hinatuan, Surigao del Sur.
Sa pinakaulahing advisory gikan sa DOST PAGASA, alas 3:00 sa kaadlawon, ang LPA nahimutang 445 km Sidlakan sa Hinatuan, Surigao del Sur (8.4°N, 130.4°E).
Kini nga LPA karon nakaapekto sa Northern Mindanao, Caraga, ug Davao Region.
Ang LPA gilauman nga magdala ug madag-umon nga kalangitan inubanan sa katag-katag nga pag-ulan ug pagpanugdog-kilat sa tibuok Northern Mindanao, Caraga, ug Davao Region.
Kini nga mga kahimtang mahimong mosangpot sa kalit nga pagbaha o pagdahili sa yuta tungod sa kasarangan ngadto sa kusog nga pag-ulan.
Bukas kanunay ang komonikasyon sa OCD X para sa mga local government units (LGUs) sa Rehiyon X aron masiguro ang epektibo nga pagmonitor ug koordinasyon.
Ang team mitambong usab sa National Disaster Risk Reduction and Management Council (NDRRMC) weather update kagahapon pinaagi sa video conference (VTC).
Wala pa kompirmaha sa OCD ang 1 bata patay, ug 13 samaran epekto sa Habagat sa milabay’ng adlaw.
Ang patay nga bata napalgan sulod sa ilang puy-anan human nabundakan sa punuan sa kahoy sa Tagoloan, kundiin laing 5 miyembro sa pamilya ang samaran.
Samtang 7 ang samaran sa pagbusdak sa punuan sa kahoy sa duha ka balay sa Kapatatan Lanao.
Mitala usab sa 1 crew sa cargo ship nga misagyad sa Lagonglong ang samaran epekto sa kusog nga balaod sa pantalan.
Kining tanan nahitabo niadtong Agosto 22-23 sa gabie.
