Patay ang dose ka construction worker human maguba ang tulay sa China.
Nahitabo ang insidente sa Qinghai province dihang natagak ang usa ka under-construction nga tulay sa Yellow River.
Usa ka steel cable ang naputol atol sa tensioning operation sa alas 3 sa kaadlawon, hinungdan nga natagak ang dakong bahin sa aquamarine arch sa tulay ug ang deck niini nga 55 metros ang gilay-on gikan sa tubig.
Sa maong insidente, 12 ka trabahante ang dead on the spot, ug 4 pa ang wala pa makit-i, samtang 16 tanan ang naa sa site sa panahon sa aksidente.
Nagpadayon ang search and rescue gamit ang mga sakayan, helicopter, ug underwater robots aron pangitaon ang mga nawagtang.
Ang tulay gilaraw nga moabot sa 1.6 kilometros ang gitas-on ug kabahin sa Sichuan-Qinghai Railway project.
