Siento-porsiento nang andam ang mga local bands nga mulangkob sa SonAmpat Village: Music & Arts Festival, karong Agosto 29.
Magsugod ang konsierto alas 5 sa hapon padulong sa alas 10 sa gabie sa Tibasak River Boulevard, Macasandig. Ang kalihukan gitawag nga “Kagay-an Lokal Musik Night”.
Lakip sa mga performers ang bandang Take You, Cast in Place, Kini, EliRockJ, Bloodflowers, TRD, Ataraxia, Lilith, ug ang bandang Life Goes On.
Sa exclusive interview sa Bombo Radyo, namahayag si Supervising Administrative Officer sa City Information Office ug Advocate of Local Music – Dr. Fred Dellava nga gitumong ang okasyon aron ipalig-on ang lokal nga musika ug sining sa Cagayan de Oro pinaagi sa usa ka boot camp nga naghiusa sa mga artist gikan sa musika, sayaw, ug visual arts.
