CAGAYAN DE ORO CITY – Nag-abiso ang kagamhanang-lokal sa katawhan nga limitahan una ang mga adlaw sa paggawas sa ilang mga basura aron kalikayan nga magkatag sa nagkadaiyang bahin sa dakbayan.
Kini gumikan sa paghupas na sa 90-day extension sa kompanyang JOMARA-TENCIL nga mangulekta sa mga basura sa syudad kagahapong adlawa.
Namahayag si Janboy Actub,tigpamaba ni City Mayor Klarex Uy nga kamulo pa nga gipaubos sa subsob nga ebalwasyon ang bag-ong kompanya nga maoy mohulip sa Tencil.
Nakahulugan nga ang contingency plan sa city govt mao na ang gamiton gamit ang kahimanan sa city hall kaabag ang mga pribadong trucking companies kuyog ang kabarangayan sa paghipos sa mga basura palibot sa syudad.
