Nagasugod na transition period sa garbage collection services sa syudad human nga na-expire ang kontrata sa Jomara Tencil Inc. niadtong Domingo, Agosto 24.
Gibutyag ni Councilor Roger Abaday nga sa umalabot nga committee meeting ilang imbitahon ang Standard System Water and Wastewater Incorporated, nga nahimong lowest bidder sa bidding nga gipahigayon sa miaging semana.
Gibutyag ni Abaday nga gusto nilang madunggan ug masuta ang plano kuyog ang programa sa kompanya, ilabi na kung aduna ba kini kasinatian sa garbage collection aron masiguro ang epektibong serbisyo sa syudad.
Mahinumduman nga ang ikaduhang lowest bidder mao ang Chemical Research Products Industrial Sales Incorporated, nga mahimong mupuli kung adunay teknikalidad nga mogawas batok sa lowest bidder sa maong committee meeting.
