Gipamatud-a'g "guilty" si kanhi Bulacan District Engineer Henry Alcantara sa daghang kasong administratibo, lakip na ang disloyalty to the Republic, grave misconduct, ug gross neglect of duty tungod sa iyang kalambigitan sa mga maanomalyang proyekto sa Bulacan.
Sa pito ka pahina nga desisyon ni Department of Public Works and Highways (DPWH) Secretary Vince Dizon, iyang gimando ang pagtangtang kang Alcantara sa serbisyo isip silot sa iyang mga kalapasan.
Dugang pa sa kalihim, iyang gisugyot nga magsumiter sa rekomendasyon ang DPWH aron pasakaan sa kasong kriminal si Alcantara ug ang uban pang mga nalambigit sa kuwestiyonabli nga mga flood control projects aron masiguro ang pagkab-ot sa hustisya sa pag-abuso sa pondo sa katawhan.
