Gipamatud-an sa Department of Justice nga anaa pa sa Pilipinas ang pamilya Discaya, kinsa gi-imbestigaran tungod sa ilang kalambigitan sa mga anomalous nga flood control projects.
Una mitin-aw ang legal counsel sa pamilya nga si Atty. Cornelio Samaniego III, walay plano musibat ang magtiayong Pacifico “Curlee” ug Sarah Discaya kay buot nilang limpyuhan ang ilang ngalan pinaagi sa ilusad nga mga imbestigasyon ug bisan sa pagpatawag sa korte.
Kagahapon, mismo si DOJ Secretary Jesus Crispin Remulla ang mikompirmar nga wala silay namatikdang pagsibat sa magti-ayong anaa sa Immigration Lookout Bulletin Order (ILBO).
Sa pikas bahin, gibutyag sa Bureau of Customs nga nakuha na sa ilang team ang 12 ka luxury vehicles nga gipanag-iya sa Discaya couple, nga sakop sa court-issued search warrant.
Gihimo sa DOJ ug BoC ang legalidad paagi sa pagsuta kung gabayad ba sa buhis ang ilang mga na-angkon nga mga mahalong sakyanan.
