Napalgang patay ang kanhi world boxing champion nga si Ricky Hatton.
Subay sa report, nakit-ang wala nay kinabuhi sulod sa iyang balay sa Greater Manchester, ang boksidor.
Namatay kini sa edad 46.
Nailhan Hatton isip usa sa labing popular nga atleta sa Britanya, ug nakab-ot ang iyang unanh world title niadtong 2005 human niyang gilupig si Kostya Tszyu sa usa ka makasaysayanong away.
Nakaatbang usab niya ang mga haligi sa boksing nga sila Floyd Mayweather ug Manny Pacquiao.
Bisan pa sa kapildihan, nagpabiling inspirasyon ang iyang kaisog ug determinasyon.
Human sa iyang pagretiro, mibalik siya sa ring niadtong 2012 apan napildi batok ni Vyacheslav Senchenko.
Ang iyang kamatayon usa ka dakong kapildihan sa sports community, ug daghang personalidad ang mipadayag sa ilang pagpasidungog ug kasubo.
