Nagpadayon ang kalampusan sa Swedish pole vault star nga si Armand Duplantis.
Kini human iyang mahuptan ang ika-14 nga world record sa gilusad nga World Athletics Championships sa Tokyo, Japan niadtong Septembre 15, 2025.
Sa maong dula, siya lang ang nag-inusarang pole vaulter nga mitala og 6.30 meters clearance, usa ka bag-ong rekord nga iyang nabuntog sa ikatulo nga attempt, samtang ang 53,000 ka fans sa Japan National Stadium misyagit sa kalipay.
Ang maong kalampusan nagtimaan sa iyang ikatulo nga sunod-sunod nga gold medal sa world championships, ug nakahatag kaniya sa $100,000 nga bonus gikan sa World Athletics.
Gumikan niini, walo na ka global men’s pole vault medals ang gihuptan sa 25 anyos nga atleta gikan sa indoor ug outdoor competitions, ug wala pa siya mapildi sa 49 ka sunod-sunod nga torneyo sukad pa niadtong 2022.
Si Duplantis, nga natawo sa Louisiana apan nagrepresentar sa Sweden ug giila na karon isip labing maayong pole vaulter sa kasaysayan, human niya malabwan ang rekord ni Sergey Bubka nga nakabungkag og 17 ka world records sa 10 ka tuig.
Sa iyang pagdawat sa pasidungog, nagpakita pa siya sa Japanese flair pinaagi sa pag-imitate sa pre-bat routine ni Ichiro Suzuki, nga usa ka tribute sa lokal nga kultura ug sa iyang igsoon nga baseball player.
Matod pa ni Duplantis mas labaw pa daw ang iyang gilauman ug nalipay kini nga siya nakahatag sa world record para sa tanan.
