Pag-ampo ug paghinulsol ang nag-unang panawagan sa Simbahang Katolika samtang nakasinati ang Luzon, Visayas ug Mindanao sa managsunod nga epekto sa linog, human ang managsunod nga ulan dala sa bagyo sa bulan sa Setyembre, ning tuiga.
Miingon si Fr. Der John Faborada, Social Communication Apostolate sa Archdiocese of Cagayan de Oro nga importante mahibaw-an sa tanan tumutuo ni Kristo kung unsa ka mahinungdanon ang pagrosaryo ug pag-ampo matag-adlaw aron hinulsulan ang kasal-anan ug mapasaylo sa labaw nga Makagagahum.
Gihimo ni Fr Faborada ang pagpasabot human gilusad sa Catholic Bishops Conference of the Philippines (CBCP) ang National Day of Prayer and Repentence niadtong Oktobre 7.
Miingon si Faborada nga dili unta undangan sa katawhan ang pag-ampo kay kini dili lang taman sa pagpanalipod sa natural nga kalamidad ang pag-ampo, apan, lakip usab ang mga kalamidad nga hinimuan sa tawo sama sa krisis sa kurapsyon sulod sa managlahing ahensya sa gobyerno.
