Gipunting sa usa ka Filipino teacher nga nagatudlo karon sa Thailand ang kahulugan sa tinuod nga kalipay sa mga magtutudlo, atol sa pagsaulog sa World Teachers’ Day, niadtong Oktobre 5.
Bisan pa sa kabusy ug kapressure sa ilang trabaho, diin dili lang sila magtutudlo kondili mahimong inahan ug amahan usab sa ilang mga estudyante, nagpabiling gamhanan ang dedikasyon sa mga magtutudlo.
Matod pa ni Jay Encarnacion, usa ka Filipino teacher sa Thailand, ang labing dakong kalipay sa usa ka magtutudlo mao ang makita nga nakakat-on ang mga estudyante ug mahinumduman sila tungod sa ilang pagpaningkamot.
Gipasabot ni Encarnacion nga bisan asa pa ibutang ang usa ka magtutudlo nga Pilipino, dili gayud mawala ang gugma ug katuyoan sa pagtudlo. (James Oliver)
