Masub-anon nga gi-anhgkon ni Konsehal Eric Salcedo, chairman sa komite on environment, nga adunay gihapon mga barangay officials nga wala makasabut sa ilang responsibilidad sa pagdumala sa basura sa ilang mga lugar.
Giprangkahan ni Salcedo ang mga kapitan sa balik-balik niyang gipahimangno nga ang problema sa basura dili lang katungdanan sa siyudad apan usa kini ka shared responsibility sa katawhan.
Subli gilecturan ni Salcedo ang mga kapitanes sa pagbahin bahin sa basura o waste segregation kay aduna may balaod kabahin niini.
Hinoon, malaumon si Salcedo nga pinaagi sa Task Force Basura nga gimugna ni City Mayor Rolando Klarex Uy, hinay-hinay nang masulbad ang problema sa basura human nga naayo na ang Pagalungan Sanitary Landfill ug pwede nang makasulod ang mga dagkung garbage collection trucks.
Gihangyo usab niya ang mas lawom nga pagsabot ug kooperasyon sa mga residente kay alang kaniya, walay gusto nga mamuyo sa hugaw ug baho nga palibot.
