CAGAYAN DE ORO CITY – Misugod na sa iyang trabaho isip acting city police director sa Cagayan de Oro City Police Office si Col. Dexter Paje sa syudad epektibo ning adlawa.
Kini human nagpalugwa sa mando si Police Regional Office 10 regional director Brig Gen Christopher Abrahano nga inaug si Paje gikan sa Camp Alagar aron ipuli kang Col.Gerardo Ulanday nga sobra usa ka bulan pa nga nangulo sa COCPO sukad paghupas sa liderato ni Col. Salvador Radam.
Namahayag si COCPO spokesperson Capt Emilita Simon nga gihimo ang seremonya sa COCPO headquarters tinambungan ni PRO 10 deputy director for administration Brig Gen Joselito Clarito kaganihang hapon.
Siya miingon nga nalipay daw pag-ayo si Paje nga nakabalik kini sa pagserbisyo sa COCPO diin pinakauna niya nga area of assignment sukad nga nahimong pulis daghang katuigan na ang milabay.
Gilayon usab nga mibisita si Paje sa buhatan ni City Mayor Rolando ‘Klarex’ Uy aron mo-courtesy call igo paghuman sa turnover of command nila ni Ulanday sa COCPO headquarters.
