Gidakop sa United States Federal Bureau of Investigation si Miami Heat guard Terry Rozier ug Portland Trail Blazers head coach Chauncey Billups tungod sa ilang pagkalambigit sa iligal nga sugal.
Sa sob-sob nga operasyon, mukabat sa 30 ka tawo ang nasikop nga gilangkoban ni NBA player Damon Jones.
Sa press briefing, gipamugos ni FBI Director Kash Patel nga milyones dolyares ang nalambigit sa iligal poker game nga nabungkag sa ilang team.
Si Patel miingon nga dili lang mga personalidad sa NBA ang ilang nadakpan, apan lakip usab ang mga personahe nga adunay koneksyon sa mga mafia families sama sa La Cosa Nostra, Bonanno, Gambino, Genovese, ug Luchese.
Alang sa FBI, labing makasaysayanon kini nga operasyon kay dagkung sindikato sa illegal gambling ang ilang nadakpan gikan resulta sa ilang taas nga imbestigasyon. Wala pay komento ang NBA sa hitabo.
