Pangandaman sa Marcos-Jr Administration ang Association of Southeast Asian Nations o ASEAN sa sunod tuig. Tipik kini sa pahayag ni Presidente Ferdinand Marcos Jr sa iyang arrival speech sa Villamor Air Base, Pasay City, human sa iyang malampusong pagsalmot sa 47th ASEAN and Related Summits sa Kuala Lumpur Malaysia. Gihatagan sa bug-at nga pagtagad sa presidente ang mahinungdanong plataporma alang sa mga lideres sa ASEAN aron ipadayon ang pagpangusog sa panaghiusa nga nagpalig-on sa kalinaw, kalig-on, ug kalamboang pang-ekonomiya sa tibuok Rehiyon. Sa gilusad nga summit, gipalanog sa presidente ang gihingusgang paningkamot sa Pilipinas sa pagpasiugda sa bilateral nga relasyon sa mga Dialogue Partners ug gihisgutan ang kooperasyon sa daghang sektor, seguridad ug depensa, maritime affairs, aksyon sa klima, trading ug pamuhunan, agrikultura, ug relasyon sa katawhan. Miingon ang presidente nga andam na ang nasud alang sa chairmanship sa 2026 ASEAN.
