(Update) CAGAYAN DE ORO CITY – Napun-an pa ang pagsuspenso sa klase sa tanang lebel sa Misamis Oriental.
Kini human unang nag-suspenso ang Gingoog City ug gisundan sa ubang kalungsuran epekto sa bahad ga dala sa bagyong Tino.
Matud ni Gingoog City Mayor Eric Cañosa agi’g paghatag proteksyon sa mga magtutungha ingon man sa mga magtutudlo batok sa idulot nga dili maayong epekto sa bagyong Tino.
Dumduman nga nahimutang sa coastal area ang 24 ka lugar sa Misamis Oriental ug gawas lang sa lungsod sa Claveria.Tipik sa mga nagpatuman sa suspension sa klase sa tanang lebel ang Tagoloan, Balingoan, Balingasag, Sugbongcogon, Binuangan, Medina, Opol, Kinoguitan, Magsaysay, Lagonglong, Manticao,Initao,Naawan,Jasaan,Salay,Claveria,Gitagum ug Talisayan.
Sa pikasa bahin, wala’y opisyal nga abiso ang Cagayan de Oro kung adunay suspensyon sa klase.
Sumala sa impormasyon sa City Information Office nga diskresyon sa mga tunghaan ang kung sila mag-suspenso sa mga klase.Sa pinakaulahing weather forecast kang Tino, kini naglihok ibabaw sa Philippine Sea.
Nahimutang ang sentro sa bagyo sa 430 kilometros sa silangan sa Guiuan,Eastern Samar.
Kini naghupot sa 110 kilometros kada-oras nga hangin duol sa sentro ug paghuros nga 135 kilometros kada-oras.
Naglihok kini sa kaspaspason nga 30 kilometros kada-takna nga kasadpan-habagatan-kasadpang direksyon.
Hisayrang ubos sa signal no. 1 ang Gingoog City,Magsaysay,Talisayan,Balingoan,Medina,Kinoguitan,Claveria,Tagoloan,Villanueva, Jasaan,Balingasag,Lagonglong,Salay,Binuangan,Sugbongcogon sa Misamis Oriental ug Camiguin province.
