Matinood man o dili ang gibulgar ni kanhi Ako Bicol Partylist Congressman Zaldy Co, nagtuo ang Young Free Workers (YFW) nga usa kini ka dako nga politikal nga teatro ug nagpakita nga dili tinuoray ang tinguha sa gobyerno nga masulbad ang korapsyon o maila ang mga dagkong kawatan sa pondo.
Gipasabot ni Norvin Gavino sa YFW nga gigamit pa gani sa mga korap ang pondo aron sila mismo maggubaay ug magbinungkagay.
Para sa grupo, ang binulgaray sa mga ngalan nga nagpadayon karon sa nasud dili kuno usa ka tinuod nga lakang batok korapsyon.
Sa ilang panan-aw, mas nagpadayag lang kini sa dugay na nga problema nga ilang nakita ubos sa mga administrasyon sa Marcos ug Duterte.
Written by: Bombo James Oliver
