Napugos ang mga opisyal sa Southeast Asian (SEA) Games nga ibalhin ang venue sa pipila ka dula nga gitakda sa Songkhla, Thailand. Namahayag si Chalitrat Chantarubeksa, Deputy Secretary General sa National Olympic Committee of Thailand (NOCT) nga nakasinati ang ilang nasud sa grabeng pagbaha ug usa sa labing apektado ang Songkhla. Lakip sa mga tranfered venue ang boxing, Group B sa men’s football, chess, karate, wrestling, wushu, pencak silat, judo, kabaddi, ug petanque. Ang desisyon gihimo aron masiguro ang kaluwasan sa mga atleta ug sa mga manan-away. Ang SEA Games sugdan sa Disyembre 9 ug mulungtad hangtud sa petsa 20 sa maong bulan.
