Sanitized ang tanan dalan nga agian sa traslaccion. Kini ang gipaniguro sa Cagayan de Oro City Police Office (COCPO) ug adunay koordinasyon sa augmentation force gikan sa mga barangay force multipliers, kasundaluan ug mga personahe sa Bureau of Fire Protection (BFP) sa mga lugar nga gilusad ang clearing operation. Dala sa mga kapulisan ang mga K-9 dogs, ug naka-standy usab ang Explosive Ordnance Disposal (EOD) sa Special Weapons and Tactics sa kapulisan ug 4th ID Philippine Army. Namahayag si COCPO Spokesperson Police Captain Emelita Simon nga gawas sa crowd control, aktibo usab ang ilang non-uniformed personnel sa pagtumbok sa mga tawong posibleng muhasi sa kagubot, busa nakaparada ang ilang mga police patrol car, ug para-medics. Una nang namahayag ang COCPO nga gipadad-an silang dugang puwersa gikan sa ubang police units alang sa dakung relihiysong selebrasyon sa Simbahang Katolika, ning adlawa.
