Nakaplagan ang usa-ka buhi’ng bata nga bag-o pa gipanganak sulod sa usa ka eco-bag sa Calaanan, Canito-an, ning siyudad.
Matod kang Joel Renehani, residente sa lugar nga nakita kini sa iyahang anak nga lalaki diin nadunggan niya nga adunay bata nga mihilak.
Sa una gidudahan pa nila kung asa gumikan ang tingog sa bata, apan mituo silang bata gayud ang sulod sa maong eco-bag tungod kay milihok kini samtang madungog nila nga adunay gahilak.
Dugang pa ni Renehani nga kumpiyansa sila nga bag-o pa gipanganak ang bata diin anaa pa kini ‘bakas’ sa dugo ug “intact” pa ang ‘umbilical cord’ niini.
Sa kasamtangan, padayon ang gihimong imbestigasyon sa kapulisan ning siyudad alang sa pag-ila sa ginikanan sa bata. (James, Phillip, Jane)
