Gipasigarbo sa Philippine Sports Commission (PSC) nga wala’y mahimong aberya ug andam na sila sa pag-host sa pinakaunang Philippine Womens Open.
Matod kang PSC Chairman Patric Gregorio nga sa wala pa ang tournament qualifiers karong Sabado, 100% na’ng andam ang tennis court sa Rizal Memorial Sports Complex diin daghan silang gibag-o ug gi-usab dapit sa mga fan zones, sa garden, ilabi na sa mismong court.
Sukad bulan sa Disyembre nagtinabanga na ang PSC kauban ang Department of Public Works and Highways (DPWH), ug lakip na ang City Government sa Maynila alang sa pag-andam sa venue.
Magsugod ang Philippine Womens Open main draw matches sukad Enero 26 hangtud 31 samtang ang qualifiers, magsugod na karong Enero 24 ug mahuman pagka-25. (Phillip Ariata)
